Wanajeshi 25 wafariki nchini Uturuki

 6 Septemba, 2012 - Saa 09:09 GMT

Wanajeshi ishirini na watano wamefariki katika mlipuko uliotokea kwenye ghala la silaha.

Wengine wanne wamejeruhiwa vibaya.
Mlipuko huo ulitokea wakati wanajeshi hao wakisongesha maguruneti.
Haijulikani kilichosababisha mlipuko wenyewe katika mkoa wa Magharibi wa Afyon, ingawa maafisa wanasema kuna uwezekano ilikuwa ni ajali tu.
Maafisa wa jeshi wamesema kuwa maguruneti yalikuwa yametapakaa kote katika eneo la tukio kutokana na nguvu za mlipuko huo na kuwaonya watu dhidi ya kwenda katika eneo hilo.